135. சினிமா நியூஸ் 4

கொஞ்ச நாளா சினிமா நியூஸ் எழுதாதனால கை ரொம்ப அறிக்க ஆரம்பிச்சுடுச்சு.. அதான் திரும்பவும் எழுத ஆரம்பிச்சுட்டேன். நீங்கதான் கொஞ்சம் பொருத்துக்கனும். ஹீ ஹீ ஹீ..

"அகர முதல" மாதிரி முதல்ல "அ"ன்னு ஆரம்பிக்குற அசினைப் பற்றி.. போக்கிரி படத்துல குத்தாட்டம் போட்டுகிட்டிருந்த அசினின் காலில் ஆணி குத்தியதில் அம்மணி ஒரே கத்தல்.. இருந்தாலும் அவர் ஆட முயற்ச்சி செய்ய, பிரபுதேவா இது சரி வறாதுன்னு முடிவு செய்து, இதே பாடலில் ஷூட் செய்ய முடிவு செய்து, அசின், விஜய், ராஜு சுந்தரம் மற்றும் ஒளிபதிவாளரை மட்டும் அனுப்பி வைத்திருக்கிறார். பாரினில் ஷூட் செய்தால், க்லோக்ஸ் அப் காட்சிகளை தவிர்க்கலாம், அசினின் வழியையும் மறைக்கலாம்ங்கிறது பிரபுவின் ஐடியா.. அசினின் காலில் ஆணி ஏறியதைப்பற்றி விரிவாக இங்கே படிக்கவும்.

நாளைக்கு சென்னையில் நட்சத்திர திருவிழா. எல்லாம் நட்சத்திரங்களையும் காணலாம். நாளைக்குதானே சோனியா அகர்வால் திருமதி செல்வராகவனாகிறார்!! ஜோவை போல் இவரும் திருமணத்துக்கு பிறகு நடிக்க மாட்டாராம்.. இவர் செல்வாக்கு துணையா போஸ்ட் ப்ரோடக்ஷனில் இணையபோகிறாராம். நல்ல செய்திதான். தனுஷ் அப்பாவான பிறகுதான் அண்ணன் திருமண செய்வது, அவரின் ஜெயிக்க வேண்டும் என்ற வெறியை காட்டுகிறது. திருமணத்துக்கு பிறகு, இன்னும் நல்ல நல்ல படத்தை கொடுத்து முன்னேற நமது வாழ்த்டுக்கள். இவர் இப்போது டைரக்ட் செய்யும் படம் ஒரு தெலுங்கு படம். இதன் பிறகு, இது மாலை நேரத்து மயக்கம் என்ற படத்தை சூர்யாவின் தம்பி கார்தியை வைத்து இயக்கப்போவது நாமெல்லாம் அறிந்ததே!

புதுமணதம்பதிகள் செல்வா-சோனியா

மற்ற செய்திகளுக்கு முன் ஒரு சின்ன இடைவேளை: இது இந்த மாதத்தில் திருமணம் செய்து கொண்ட நடிகர்களின் நிழற்படங்கள்

அருண் தன் மனைவியுடன்

மனோஜ் நந்தனாவுக்கு தாலி கட்டும்போதுரேணுகா மேனன் தன் அமேரிக்கா கணவருடன்காயத்ரி ரகுராம் தன் கணவருடன்

காமெடி வ(வெ)டிவேலு இம்சை அரசன் 23-ஆம் புலிகேசில அசத்தியிருந்தார். பிறகு தேசிய பறவையில் 9 வேடத்தில் நடித்தார். இப்போது திரும்பவும் ஹீரோவாக 4 வேடத்தில் இவர் நடிக்கும் படம் இந்திரலோகத்தில் நா அழகப்பன்". இதுவும் ஒரு காமெடி படம்தான். இதில் இவருக்கு 3 ஜோடி. அனேகமா ஷில்பா ஷெட்டிதான் இவரோட இணைந்து நடிக்கபோகிறார்..

சில நாட்களுக்கு முன் சரிதா செல்வி நாடகத்தில் நடிக்க போவதில்லைன்னு முடிவெடுத்தார். இப்ப அவரே நடிக்கனும்ன்னு நினைச்சகூட அவர் நடிக்க முடியாது.. 500 எபிசோட்லை தொடபோகும் இந்த மெகா சீரியல் டிசம்பர் 29-இல் ஒரு முடிவை நாடுகிறது.. அப்பாடான்னு பெரு மூச்சி விடுவதற்க்குல், ராதிகா சொன்ன அடுத்த வார்த்தை: "புது வருடத்திலிருந்து ரடான் டிவி ஒரு புதிய மெகா தொடருடன் உங்களை சந்திக்கும்"

ஜீவாவுடன் ஹரிஸ் ஜெயராஜ் கைகோர்த்த படங்களின் பாடல்கள் மெகா ஹிட். 12பி, உள்ளம் கேட்குமே.. இரண்டுமே கேட்க கேட்க சலிக்காத பாடல்களை கொடுத்தது. இந்த ஹிட் உன்னாலே உன்னாலே (ஜூலை காற்றில்)-லிலும் தொடரும்ன்னு நினைக்கிறேன். பாடல்கள் இந்த மாதம் வெளியிடப்படுகிறது. இதில் புதுமுகம் வினய் ஹீரோவாக நடிக்க, இரண்டு கதாநாயகிகள் சதா மற்றும் கஜோலின் தங்கை தனிஷா நடிக்கிறார்கள். டான்ஸ் மாஸ்டர் ராஜு சுந்தரமும் இந்த படத்தில் நடிக்கிறார். ஜீவா ஒவ்வொரு படத்திலும் அறிமுகப்படுத்தும் ஹீரோ ஹீரோயின்கள் அவர் அடுத்த படத்தை எடுக்கும் முன் பிரபலமாகிவிடுவர். உதாரணத்திற்கு ஷாம், அசின் மற்றும் ஆர்யா. வினயும் தனிஷாவும் பிரபலமாகுவார்களா?