132. வந்துட்டாங்கய்யா.. வந்துட்டாங்க!!

ராஜாத்தி ராஜ,
ராஜ மார்த்தாண்ட,
ராஜ கம்பீர,
ராஜ குலத்திலக..
வேட்டைய ராஜா
வர்றார்.. வர்றார்.. வர்றார்..

அந்த "வேட்டைய"ன்ற இடத்தில மலேசியான்னு போட்டுக்குங்க..

அவரு இவருதான்...

அரசரும்.. அரசியும்.. அவரகளது மனுடன்.

மலேசியாவுல 13 மாநிலங்கள் இருக்கு. அதில் 2 மட்டும் பிரிந்து தென்சீன கடலுக்கு வலது பக்கம் இருக்கின்றன..

அங்கே இருப்பவர்கள் ஆதிவாசின்னு சொல்லலாம். அவங்களுடைய கலை கலாச்சாரங்கள் இன்னும் பழைய பழய ஆதிவாச்த்தில் எப்படி இருந்தனரோ.. அப்படியேதான் இருக்கிறாங்க.. (இவர்களை பற்றி மட்டுமே ஒரு பதிவு போடலாம்..) :-))

மீதமுள்ள 10 மாநிலங்களில் உள்ள ஒரு விஷயத்தை பற்றிதான் இன்றைய பதிவு..

இந்த பத்து மாநிலத்தில், ஒவ்வொரு மாநிலத்திலும் ஒவ்வொரு அரசர்கள் இருப்பார்கள். இவர்கள் சுல்தான் எனப்படுவர்..

இவர்களில் ஒருவர் ஒவ்வொரு ஐந்து வருடத்துக்கு ஒரு முறை தேர்ந்தெடுக்கப்பட்டு மலேசியா நாட்டின் அரசராக இருப்பார்கள். (இவர்கள் ராஜாவாக இருந்தபோதிலும், நாட்டை ஆளுபவர் பிரதமரும் மந்திரு சபையும்தான்றது இன்னொரு கதை.)

இப்படி ஐந்து வருடத்துக்கு ஒரு முறை ராஜ சபையிலிருந்து ஒருவர் தேர்ந்தெடுக்கப்படுவார்.

நான் ஐந்தாம் படிவம் படிக்கும் போது.. அப்போதுதான் Physics தேர்வு எழுதிவிட்டு பரிட்சை ஹாலிலிருந்து வெளியே வந்தேன். என் நண்பன் ஒருவன் "நீங்களெல்லாம் பரிட்சை எழுதிக்கிட்டு இருந்தப்பொ ராஜா இறந்துட்டார். நாளைக்கு யார் யாருக்கு பரிட்சை இருக்கோ, அவங்க பரிட்சையெல்லாம் வேரொரு நாளைக்கு ஒத்தி வைக்குறாங்கன்னு ரேடியோல சொன்னாங்க"ன்னு சொன்னான்.

அப்போ நான் "ஏன் இவர் நேற்றே இறந்திருக்க கூடாது.. இன்னைக்கு பரிட்சை நமக்கு ஒத்தி வச்சிருப்பாங்களே.. இன்னும் டைம் எடுத்து படிச்சிருக்கலாமே"ன்னுதான் தோனிச்சு. (நீங்க என்னை திட்டுவது தெரியுது! என்ன பண்ண? அரசர்ங்கிறது எங்களுக்கு ஒரு பெரிய இஃபெக்ட்-ஆ (effect)இல்லை.. எல்லாமே பிரதமர் ஆட்சிதான்)

மறுநாள் ஊரடங்கு சட்டம் அமலுக்கு வந்தது. வெளியே போகமுடியாது. சரி, டீவி பார்க்கலாமுன்னு டீவியை திறந்தா எல்லா புரோக்ராமும் கேன்சல். அவர் இறந்ததை முன்னிட்டு அவருக்கு இறங்கல் தெரிவிக்க எந்த கேலிக்கை நிகழ்ச்சிகளும் தொலைக்காட்சியில் போட வில்லை.

அப்போதுதான் சிறிது வருத்தப்பட்டேன். "அடடே! இவர் இறந்திருக்ககூடாதே"ன்னு.. இப்போ அதை நினைச்சாலும் சிரிப்புதான் வருது.

அப்போது இறந்த அந்த அரசர் சிலாங்கூர் மாநில சுல்தான். ஒரு மாதத்துக்கு பிறகு பெர்லிஸ் ராஜா அரசராக நியமிக்கப்பட்டர். இது நடந்து நேற்றோடு 5 வருடம் பூர்த்தியானது.

இப்போது தேர்வானவர் திரங்கானு மாநில சுல்தான். இவருக்கு இப்போது 44 வயது மட்டுமே! 36 வயதில் தன் தந்தையிடமிருந்து திரங்கானு மாநிலத்தில் சுல்தானாக ஆகிய இவர் 11 வருட கால கட்டதிலேயே அரசராக அறியனையில் அமர்ந்துவிட்டார்.

இவர் நாட்டு அரசனனென்றால், மாநில சுல்தானக யார் இருப்பார்ன்னு கேட்குறீங்கலா? இதோ! இவர்தான்:

இவரின் பெயர்: தெங்கு முகமது இஸ்மாயில் சுல்தான் மிஜான் ஜைனால் அபிடின். வயது எட்டுதான். இவர்தான் திரங்கானு சுல்தான் (இப்போது அரசர்)-இன் மூத்த மகன்.


மலேசியா நாட்டின் வரலாற்றிலேயே இவர்தான் இந்த சின்ன வயசிலேயே ஒரு மாநிலத்தை ஆளுகிறார்.

நேற்று இவர் இடைகால சுல்தான் பட்டத்தை தன் தந்தயிடமிருந்து பெற்றுக்கொண்டார். 8 வயது பையன் என்ன ஆட்சி செய்யபோகிறான்னு கேட்குறீங்கலா?

அதற்க்கு 3 பேர் கொண்ட ஒரு குழுவை அமைத்திருக்கிறார் இவர் அப்பா. அந்த 3 பேர்: ராஜாவின் மூன்றாவது தம்பி, ராஜாவின் மாமா மற்றும் ஒரு அரச மந்திரி)

இன்று அப்பாவும் அம்மாவும் அரண்மனையில் அரசர் அரசியர் பதவியை பெற்று அரியணையில் உட்கார்ந்துட்டாங்க.

இன்னும் ஒரு 5 வருடத்துக்கு இவங்கதான் ராஜா - ராணி..

பதவி விலகி பெர்லிஸுக்கு திரும்பும் 12-வது ராஜா-ராணி