Friday, April 20, 2007

176. சிங்கங்கள் மலேசியா வந்தாச்சு! (பாகம் 2)

சிங்கங்களின் மலேசியா டூர் எப்படி ஆரம்பிச்சதுன்னு இங்கே பாருங்க..

நம்ம தல அம்புட்டு அழகா சொக்காயை மாட்டிக்கிட்டு கிளம்பி போனது , கட்டதுரையோட மாங்கா தோப்புக்குதான்.. வியாழக்கிழமை மலேசியா கிளம்புறதுனால சனிக்கிழமை கட்டதுரையின் தோப்புக்கு போக முடியாதுன்னு, சீக்கிரமா கிளம்பி போயிட்டார். கடமை வீரனாச்சே நம்ம கைப்பூ..

கொட்டுங்கடா கும்பியை.. பையன் எவ்வளவு அடிச்சாலும் தாங்குறான்னு பாராட்டி பாராட்டியே நொங்கு எடுத்துட்டானுங்க கட்டதுரையின் ஆட்கள்.. இதுல என்ன சீரியஸ் மேட்டர்னா, கட்டதுரையோட ஒன்னு வீட்டு பாட்டி கைப்பூவை அடிக்க அடிக்க, சீக்காளியா இருந்த அந்த கெழவி பரவை முனியம்மா ரேஞ்சுல எனர்ஜெஸ்டிகா ஆயிட்டார்.. எழுந்து குதிக்கிறது என்ன.. ஆடுறது என்ன.. பாடுறது என்ன.. கட்டதுரை கண்ணே கலங்கிடுச்சுன்னா பாருங்களேன் ..

ஒரு வேளையா வியாழனும் வந்தது. எல்லாரும் சென்னை ஏர்போர்ட்டுக்கு வந்துட்டாங்க. எல்லாரும் எப்படி வந்திருக்காங்கன்னு சொல்லனும்ல..

ராயல் ராம்:
மலேசியாவுக்கு போறோம்ன்னு முடிவானதும் ராம் ராயல் ராமா இருக்கணும்ன்னு தலைக்கு மஞ்சள் கலர் சாயம் அடிச்சு சிகப்பு கலர் சொக்கா போட்டுக்கிட்டு கழுத்துல ஒரு ரிப்பன்னோட வந்திருக்காரு. கேட்டா இதுதான் ரிச்சி ரிச் லுக்காம்.

தேவ்:
பச்சை கலரு டீசர்ட்டு போட்டு, அதுக்கு மேட்சே ஆகாம ஒரு டை கட்டிக்கிட்டு கவ் பாய் தொப்பி அணிஞ்சுகிட்டு கையில் ஒரு பேப்பரும் பேனாவும் சகதியுமா நிக்குறாரு. ஏன் இந்த பேப்பர் பேனான்னு கேட்டா, யாருக்காவது பர்த்துடேன்ன்னா கச்சேரி வைக்கத்தான் குறிப்பு எடுக்க போறேன்னு சொல்றாரு .

புலி:
கோர்ட்டும் சூட்டும் போட்டு கலக்கலா வந்திறங்கியிருக்கார். சூடானில் பொண்ணுங்களே பார்க்காம காய்ஞ்சு போய் இருந்ததுனால மலேசியாவுல ஒரு கலக்கு கலக்கனும்ன்னு அமர்க்களமாய் வந்திறங்கியிருக்கார்.. ஆனால், கால்ல ஜப்பான் சிலிப்பரை போட்டு வந்து மானத்தையே வாங்கிட்டார்..

வெட்டி:
எப்படி வந்திருப்பார்ன்னு உங்களுக்கு நான் சொல்லிதான் தெரியனுமா ? தெலுங்கு பட ஹீரோ ஸ்டைலில் (சித்தார்த் தவிர்த்து) ஸ்ட்ரைக்கிங் கலர்ல உடுத்தி டூயட் பாடுவாங்களே, அந்த மாதிரி நம் கண்ணே கூசுற மாதிரி ஸ்ட்ரைக்கிங் பச்சையில சட்டை அணிஞ்சு ஸ்ட்ரைக்கிங் மஞ்சல்ல பேண்டு போட்டு, ஸ்ட்ரைக்கிங் சிகப்புல டை கட்டி, சுட்டெரிக்கும் சூரியன் கலர்ல ஒரு சப்பாத்து போட்டிருக்கார் . இருட்டுலையும் இவரை கண்டு பிடிக்கிற அளவுக்கு ஸ்ட்ரைக்கிங் கலர்ன்னா பார்த்துக்கோங்களேன்.

சிபி:
என்னமோ கவலைல இருக்கார் போல. வெட்டிக்கு டோட்டல் ஆப்போசிட்டா எல்லாம் கருப்பு (All Black)-ல வந்து இறங்கியிருக்கார். என்ன கவலை தளபதியாரே? சொல்லுங்க தீர்த்து வச்சிடலாம் (உங்களையல்ல. உங்க பிரச்சனையைத்தான்)..

இளா:
விவசாயி வெள்ளை சட்டை வேட்டின்னு ஏதோ தேர்தலுக்கு போற மாதிரி வந்திறங்கியிருக்காரு.. ஏன்னு கேட்டா ஜீன்ஸ் எல்லாம் தோய்க்க போட்டபோது , எறுமை பசியில தின்னுடுச்சாம்..

பாண்டி:
இவர் எப்போதும் போல அமர்க்களமாய்தான் வந்திருக்கார்.. கூலிங் க்லாஸ் என்ன! ரேய்மண்ட் வாட்ஜ் என்ன.. பெர்முடா ஸ்டைலில் ஒரு சர்ட் அணிஞ்சு முக்கா கால் பேண்டு போட்டு வந்திருக்கார்.. வந்ததும் "ஹேய் டூட், எல்லாம் என்னடா பட்டிக்காடா வந்திருக்கீங்க? என்ன மாதிரி மாடர்ன்னா வர தெரியாதா ? கண்ட்ரி ஃப்ரூட்!!"ன்னு சொல்ல எல்லாரும் கடுப்பாகிறார்கள்.

ஸ்யாம்:
கூட்டத்தில எல்லாரையும் விட அதிக குஷியில இருப்பவர் அட்லாஸ் வாலிபர் ஸ்யாம்தான். மலேசியா போக போறதை, அவங்க தெருவில உள்ள எல்லார் கிட்டேயும் "எல்லாரும் பார்த்துக்கோங்க.. நானும் மலேசியா போறேன் மலேசியா போறேன்"னு சொல்லி, எல்லார் கிட்டேயும், துணி மணிகளை ஆட்டையை போட்டு வாங்கி வந்திருக்கார் . பத்து வயது சிறுவனின் சட்டை போட்டா நமக்கு தெரியாதா ? கேட்டா, இது பாடி ஃபிட்டு . உங்களுக்கு இதெல்லாம் தெரியாதுன்னு சொல்றார். அவங்க தெரு குட்டையனுடைய பேண்டு போட்டு வந்திருக்கார் . கேட்டா, இப்போ இதுதான் ஃபேஷன் . முக்கா கால் சிலுவார்ன்னு சொல்றார். என்னன்னு சொல்ல..

கைப்புள்ள:
எப்போதும் போல, அவங்க சிட்டி மாமா பையனுடைய சட்டையையும் ஜீன்ஸ் பேண்டையும் போட்டுட்டு அவனுக்கு குச்சி மிட்டாயும் குருவி ரொட்டியும் வாங்கி வர்ரேன்னு டகால்டி கொடுத்துட்டு வந்திருக்கார். ஸ்டைலுக்கு ஒரு கூலிங் க்லாஸ் . இருட்டுலையும் அதை கழட்ட மாட்டாராம் . சைட்ல ஒரு பேக் வேற. என்னாத்த சொல்ல...

இப்படி அமர்க்களமாக இந்த கோஷ்டிங்க மலேசியா கே.எல்.ஐ .ஏ. ஏர்போர்டில் வந்து தரை இறங்கினாங்க. (ஏரோப்ளேனிலும் நிறைய கூத்துங்க நடந்தது. அது இப்போது வேணாமே!). எல்லாரும் அவங்க அவங்க சூட்கேஸை வண்டியில் தள்ளி வர, கைப்பூ சின்ன புள்ளயாட்டம் அந்த வண்டியில ஏறி உட்கார, நம்ம தேவுதான் தள்ளிட்டு வந்தார்.

கைப்பு: அடடா.. அடடா. ஏர்போர்டிலேயே இத்தனை அம்சமா ஃபிகருங்களா! அப்போ கே. எல் டவுனுல எத்தனை பேருடா இருப்பாளுங்க! இந்த அஞ்சு நாளுக்குள்ள எப்படியாவது நமக்கு ஒரு காதலியை செட் பண்ணிடலாம்..

ஸ்யாம்: நமக்குதானே!! பண்ணிடலாம் பண்ணிடலாம் ..

ஸ்யாமின் வாயில் ஜொள்ளு வடிய , பக்கத்தில் வெட்டியோட டைய பிடிச்சி அவரோட வாயை துடைக்கிறார்.

வெட்டி: என் டை என் டை!!!! சுமா எனக்கு ஆசையா வாங்கி கொடுத்த என் டை என் டை!!!

கைப்பூ: நமக்குன்னா எனக்கு மட்டுந்தான் அயோக்கிய அப்புரெண்டிஸ்களா? ஊருக்குள்ளே எனக்கு ஒன்னை கூட கொடுக்கமே இருந்தீங்க... இங்கயாவது ஒன்னாவது செட் ஆகட்டுமிடா? விட்டு கொடுங்கடா சாமிகளா?

இப்படி கைப்பூவும் வெட்டியும் ஒரே நேரத்துல கத்த ஏர்போர்ட்டுல உள்ள எல்லாருமே இவங்களையே திரும்பி பார்குறாங்க..(நல்ல வேலை, இவீங்கல பிக் அப் பண்ண நான் போகலை.. இல்லைன்னா என் மானமே போயிருக்கும்...)

விவா: வ. வா.. ச .. ங்.. க.. ம்.... வ வா சங்கம்!!!

விவசாயி ஒரு போர்டுல எழுத்து கூட்டி படிக்கிறார்.. சந்தோசத்துல மேலும் கீழும் குதிக்கிறார்.. அவரு வேட்டி கலண்டுக்கிட்டதை கூட அவரு கவனிக்கலைன்னா பாருங்களேன்..

விவா: அந்த மலாய் பொண்ணு நமக்குதான் காத்திருக்கா. நம்மளை பத்திதான் போர்டு பிடிச்சிருக்கா!

விவசாயி சொல்லி முடிக்கிறதுக்குள்ள, ஜொள்ளு,ராயல்,புலி, வெட்டி, ஸ்யாம் மற்றும் கைப்பூ அந்த மலாய் பெண்மணி முன்னுக்கு கியூ கட்டி நிக்குறாங்க.

கைப்பு: எஸ் கிஸ் மீ!

மலாய் அம்மணி படார்ன்னு ஒரு அறை விடுறா கைப்பூக்கு.

கைப்பூ: அவ்வ்வ்வ்வ்வ்.....

மலாய் அம்மணி: அப்பா காமு நாக் (Apa Kamu Nak)?

வெட்டி: நானு ஏமி செப்புதாணன்டி??


மலாய் அம்மணி வெட்டியை முறைச்சி பர்க்க, வெட்டி ரெண்டு அடி பின்னால பம்முகிறார்..

புலி: உர்ர் உர்ர்...

ராயல்: என்னடா பண்ற?

புலி: இந்த அம்மணிக்கு இங்கிலீஸு புரியல. தெலுங்கு புரியல. அதான் என்னுடைய மொழியில பேசுறேன்.

ராயல்: இதுல உனக்கு பெருமை வேற... க்க்க்ர்ர்ர்... த்த்தூதூ...

ஸ்யாம்: இப்போ நான் எப்படி கேக்குறேன் பாரு!

ஸ்யாம் அவருடைய சூட்கேஸை திறந்து பூலோக உருண்டைய எடுத்து சுத்தி சுத்தி இந்தியாவை காட்டுறார் .. அப்புறம் அந்த அம்மணியை இழுத்து போய் ப்ளேனை காட்டுறார் . கைப்புள்ளையை காட்டி, தன் கையை மேலே தூக்கிட்டு அப்புறம் ரெண்டு கையையும் சேர்த்து லெஃப்டும் ரைட்டுமா ஆடுறார்.

கைப்பூ: என்னை பற்றி பய எப்படி புகழ்ந்து பேசுறான் பாரு!

கைப்புள்ளக்கு ஒரே சந்தோஷம். ஸ்யாம் வேர்க்க விருவிருக்க எல்லாமே செய்து காட்டினதும், அந்த அம்மணி கைத்தட்டி பத்து ரிங்கிட் தானம் பண்ணுகிறார். (பைத்தியக்காரன் என்று நினைத்திருப்பாரோ!!)

விவசாயிதான் அந்த க்ரூப்பிலேயே விவரமானவர்ன்னு சொல்லிதான் தெரியனுமா என்ன. அவரு அப்படி இப்படின்னு அந்த போர்ட்டை காட்டி கஷ்டப்பட்டு விளக்க,

மலாய் அம்மணி: அவாக் நாக் பாப்பான் இனீ (Awak nak papan ini)?

விவசாயி வ.வா.சங்கம்ன்னு எழுதியிருக்கிற பலகைதான் கேட்கிறார் என்று நினைத்து அவரிடம் நீட்டினார் . இப்படியே இவங்க மாறி மாறி விளக்கிக் கொண்டிருக்க, கைப்புள்ள தன் கன்னத்தை தடவிக்கொண்டே ஒரு ஓரமா போய் உட்கார்ந்துக் கொண்டார்.

கொஞ்ச நேரத்தில் வாஷ் ரூமில் இருந்து ஒரு இந்தியர் நடந்து வர, சிபியும் தேவும் அவரை கடத்திட்டு வந்து அந்த பெண்மணி முன்னுக்கு நிக்க வைத்தனர் . அவங்க என்ன ஐடியா போட்டிருந்தாங்கன்னா, இவங்க பேசுறதை அவரை மலாயில் மொழிமாற்றம் செய்ய சொல்லலாம்ன்னு.. என்ன மூளை!! என்ன மூளை!!!

ஆனால், அந்த நபரோ அந்த பெண்மணியிடம் தெரிஞ்சவர் போல பேச ஆரம்பிச்சார்.. ஒரு 15 நிமிடமா பேசிட்டே இருந்தார்.. சுத்தி நின்ன இந்த ஒன்பது பேரும் வாயில் ஈ புகுறது கூட தெரியாமல் பொழந்து பார்த்திட்டே இருந்தாங்க . அந்த பெண்மணி அந்த போர்ட்டை இந்த நபரிடம் கொடுத்துட்டு கைப்பூ அண்ட் தி கேங்கை பார்த்து ஒரு சிரிப்பு சிரிச்சிட்டு நடந்து போயிட்டார்...


கைப்பூக்கு ஒரே சந்தோஷம்.. நம்மளையும் பார்த்து இந்த பொண்ணு சிரிக்குதே.. கைப்புள்ள வொர்க் அவுட் ஆச்சுடா! இனி அடுத்து டூயட் பாட இடம் தேடணும்டான்னு பல வகையான சிந்தனைகளை கணக்கு போட ஆரம்பித்துவிட்டார்..


சரி, இந்த மர்ம இந்தியர் யாருன்னு சஸ்பென்ஸை உடைக்கனுமில்ல... இவருதான் நான் இவங்களை அழைத்து வர அனுப்பிய டூரிஸ்ட் கைட். இவர் கொஞ்ச நேரம் வாஷ் ரூம் போயிட்டு வர்றதுக்குள்ள இம்புட்டு காமெடியாகிப்போச்சு ..


பிறகு என்ன? எல்லாரும் அவங்கவங்க சூட்கேஸை தூக்கிட்டு காரை நோக்கி நடக்க ஆரம்பிச்சாங்க.


இப்பவே இப்படின்னா, இன்னும் அஞ்சு நாளுக்கு இவங்க அடிக்கிற லூட்டியை நீங்க பார்க்கணுமா வேண்டாமா?

இவங்கதான் கைப்பூவை அறைஞ்ச அம்மணி. எப்படி இருக்காங்க?


இந்த இரண்டு பாகங்களும் வ.வா. சங்க போட்டிக்காக எழுதியது. மற்ற பாகங்களை கொஞ்சம் கேப் விட்டு எழுதறேன். ஒரேயடியா போட்டா உங்களுக்கு போரடிச்சிருமோன்னு கொஞ்சம் பயம்தான். ஹீஹீ..
வாங்க மக்களே! நல்லா இருந்தா கொஞ்சம் ரெகமண்ட் பண்ணிட்டு (துப்பிட்டு) போங்க.. கும்மியடிக்க போறதாவும் காத்தால தகவல் வந்துச்சு. அதுக்கும் இங்க ரெடிதான் :-)

175. சங்கத்து சிங்கங்களின் மலேசியா டூர் (பாகம் 1)

சங்கம் ஒரு வயதை தொட்டாச்சு!. சிங்கங்கள் அதுக்கான விழாவை இதோ வைக்கிறோம் இதோ வைக்கிறோம்ன்னு தள்ளி போட்டுக்கிட்டே போறாங்க.. நமக்குதான் தாராள மனம் ஆச்சே! பாவம் பசங்க.. வருடம் பூரா உட்கார்ந்த இடத்திலிருந்தே ஆப்பு வாங்குறாய்ங்க. கொஞ்சம் வெளியிலே கூட்டி போனால், ஆப்பு வாங்கும் இந்த அப்புகளை பார்த்து மக்கள்ஸும் சந்தோஷப் படுவாங்களே என்ற நல்லெண்ணம் (!) எனக்கு..

என்ன செய்யலாம்ன்னு பத்துமலை படிக்கட்டில் உட்கார்ந்துட்டே யோசிக்கிறப்போ, அங்கேயும் இங்கேயும் தாவிக் கொண்டிருந்த குரங்கு என் முன்னே மூன்றாம் பிறை கமல் மாதிரி ஏதேதோ சாகசம் செய்ய தொடங்கியது. ஐடியா வந்தது. பசங்களை மலேசியா வர வைத்தால் என்ன!. வந்து எஞ்சாய் பண்ணடுமே!

உடனே ஏர் இந்தியாவுல 9 டிக்கெட் புக் பண்ணி சங்கத்துக்கு ஈமெயில் அனுப்பினேங்க. அப்போ சங்கத்து ஈமெயிலை தளபதி படிக்க தல கைப்பு ஒவ்வொன்னுக்கா பதில் சொல்ல புலி டைப் பண்ணிக் கொண்டு இருந்தார்.

தளபதி: தல, தல.. கட்டதுரை ஈமெயில அனுப்பியிருக்கான் தல.

கைப்பூ: (ஸ்டைலா படுத்துண்டே..) வந்துட்டான்யா வந்துட்டான். நீ மேலே படிலே..

தளபதி: டேய் கைப்புள்ள..

கைப்பூ: நிறுத்து! ஒனக்கெத்தன நாளா எம்மேலே இந்த கொலைவெறி தளபதியாரே!

தளபதி: இது நான் இல்லை.. நான் இல்லை.. கட்டதுரை அப்படித்தான் எழுதியிருக்கான் தல.

கைப்பூ: ம்ம்.. ஓகே.. மேலே படிலே...

தளபதி: யாகூ மெயில். மெயில், அட்ரஸ், காலெண்டர், நோட்பேட்..

கைப்பூ: என்னடா படிக்கிற?

தளபதி: நீங்கதானே மெயில் மேலே என்ன எழுதியிருக்குன்னு படிக்க சொன்னீங்க?

கைப்பூ: ஸ்ஸ்ஸப்ப்ப்பாபா.. இப்பவே கண்ணை கட்டுதே! சாகடிக்காறானே என்னைய்ய!!!! கட்டதுரையோட மேசேஜை மேலே படிக்க சொன்னேண்டா...

தளபதி: ஓ அதுவா.. டேய் கைபுள்ள.. இந்த வாரம் உனக்கு கும்மி என்னுடைய மாங்கா தோப்புல. சரியா சனிக்கிழமை 10 மணிக்கு ஆஜர் ஆகிடு. என் ஒன்னு வீட்டு பாட்டி சீரியஸா படுத்த படுக்கையா இருக்காங்க.. அவங்க கடைசி ஆசை யாரையாவது சாகுற வரைக்கும் (அவங்க சாகுற வரைக்கும்) அடிக்கனுமாம். நீதாண்டா அதுக்கு பொருத்தமானவன்.

கைப்பூ: ஆகா..இப்பவே நம்ம புகழ் எங்கெங்கோ பறவுதுல! இன்னும் கொஞ்ச நாள்ல அகில உலக ரசிகர் மன்றம் ஒருவாக்கி நமக்கு கோவிலெல்லாம் கட்டி கும்பிட ஆரம்பிச்சுடுவானுங்க போலிருக்கே!!!

கைப்பு அன்னாந்து பார்த்து கனவுலகில் மிதக்கிறார்..

புலி: உர்ர்ர்..... உர்ர்ர்...

புலியின் உறுமல் சத்ததில் தன் கனவு கலையாமல் மிதந்து கொண்டிருக்க.. புலி சங்கத்து செலவில் கைப்பு பழம் நறுக்க வாங்கிய கத்தியை தூக்கி கைப்பூவின் முகத்தை நோக்கி எறிய, அது 100மீட்டர் வேகத்துல பறந்து தன்னோட சீட்டுல தூங்கிட்டு இருந்த ராயலின் மேல் பட "அய்யோ அம்மா"ன்னு கத்தி கைப்பூவின் கனவுகளை கலைக்கிறார்..

கைப்பூ: எந்த அப்ப்ராண்டியடா என் கனவுகளை கலைச்சது? ச்சுப்பிட்ட்!!! ராயலு! உனக்கு இதே வேலையா போச்சு! மனுசன் நிம்மதியா கனவு கூட காண முடியலை..

ராயல்: தல.. தல..

ராயல் பவ்வியமாக பம்ம.. கைப்பூ மனசிலகி..

கைப்பூ: என்னடா செல்லம்?

ராயல்: அது அப்புராண்டி இல்ல தல.. அது அப்ரெண்டிஸ்.. A..P... P..R..

கைப்பூ: ஆமாண்டா.. உனக்கும் விவசாயிக்கும் எனக்கு இங்கிபிலீஸு சொல்லிக் கொடுக்கிறதே வேலையா போச்சு. இது அமேரிக்க இங்கிபிலீஸு.. முடிஞ்சா இதை கத்துக்கோடா..

புலி: உர்ர் உர்ர்.. தல.. சீக்கிரமா கேள்விக்கு பதில் சொல்லுங்க.. நான் வீட்டுக்கு போகணும். இல்லைன்னா ஆத்தா வையும்..

கைப்பூ: பார்ர்ரா.. இப்போ எவன் தல எவன் வாலுன்னு தெரியாம போயிருச்ச்சுல.. புலி, உனக்கென்னமோ என் பதில் என்னனு தெரியாத மாதிரி கேக்குற? நான் அடி வாங்குறத நிப்பாட்டினாலும்.. கட்டதுரை அடி கொடுக்குறத நிப்பாட்டினாலும்.. இந்த உலகம் அழிஞ்சிடும்டா.. நான் அடி வாங்குறதுனாலத்தான் கட்டதுரை பாட்டிக்கும் ஆத்மா சாந்தின்னா, அடி வாங்குறதுக்கு நான் தயார்.
(மனசுக்குள்ளே..) யப்பா.. இந்த பயலுங்களை எப்படியெல்லாம் சமாளிக்க வேண்டியிருக்கு!!! யாராவது என்னை வெளிநாடுக்கு கூப்பிட்டாலும், அங்கே போய் அசினை போல ஒரு பொண்ணோடு சுட்டும் விழி சுடரேன்னாவது பாடிட்டு இருக்கலாமே..

தல தன் தலையை ரைட்டும் லெஃப்ட்டுமா ஆட்டிக்கொண்டிருக்க..

தளபதி: தல.. இங்கே பாருங்க.. மலேசியாவுல இருந்து .:: மை ஃபிரண்ட் ::. டிக்கேட் அனுப்பியிருக்காங்க. நம்மலையெல்லாம் மலேசியாவுக்கு டூருக்கு கூப்பிட்டிருக்காங்க.. போலாமா தல???

தளபதி ஆவலாக கேட்கிறார்..
தல இன்னும் அசினோட டூயட் பாட்டை நினைத்து தலையை லெஃப்ட்டும் ரைட்டும் தலையாட்ட..

புலி எழுத ஆரம்பிச்சுட்டார்:

டியர் .:: மை ஃபிரண்ட் ::.,

மலேசியாவுக்கு போக எனக்கு மனம் இல்லாததால் உங்கள் ஆஃபர் நிராகரிக்கப்படுகிறது.

பி.கு: இதை எழுதியது புலி இல்லை.

இப்படிக்கு,
கைப்புள்ள


ராயலுக்கு இதை பார்த்ததும் கோபம் தலைக்கேறிடுச்சு. தன்னோட நாக்காலியை எட்டி உதைச்சு எழுந்திருச்சு வந்து கைப்புள்ளையை பிடிச்சு ஒரு குலுக்கு குலுக்கி, புலி கையில் பிடித்திருக்கும் எலியை பிடுங்கி எறிஞ்சிட்டு.. தலயை பார்த்து ஒரு டயலோக் விடுறாரு..

ராயல்: லூசாயா நீயி!! நானே எப்படியாவது மலேசியாவை சுத்தி பார்க்கனும்ன்னு ஆசையா இருக்கேன். நீங்க அந்த ஆசையில மண்ணை தூவிடுவீங்க போல.. ஒழுங்கு மரியாதையா இந்த ட்ரீப்புக்கு ஏற்பாடு பண்ணுங்க.. இல்லைன்னா.......

ராயல் பேசுறதை பார்த்து கைப்பு கண்கள் கலங்க ஆரம்பித்தன.

கைப்பூ: டேய்.. நீ வாயில்லா பூச்சியினுல நெனச்சேன்! என் சட்டையை பிடிக்கிற அளவுக்கு வளர்ந்துட்டியா.. நல்ல வேலை சட்டை கிளியலை.. அந்த இஸ்டிரிக்காரனோட கடையில இருந்து ஆட்டையை போட்டு எடுத்த சட்டையாச்சே! சரி, என்னமோ மலேசியா மலேசியான்னு சொன்னியே ராயலு! என்ன மேட்டரு?

தளபதி திரும்பவும் அது என்ன மேட்டர்ன்னு விளக்க..

கைப்பூ: ஃப்ரீன்னா நாங்கதான் முதல் ஆளா நிப்போம்ல.. கூட்டுடா சங்கத்தை.. சிங்கங்களை எல்லாம் வரச்சொல்லுடா...

தளபதி உடனே ஒவ்வொருத்தருக்கா கால் பண்ண ஆரம்பிச்சாரு. வெட்டியாய் இருந்த வெட்டி அடுத்த நிமிடமே ஆஜர். கச்சேரி நடத்திக்கிட்டு இருந்த தேவ், பாதியிலேயே கச்சேறியை கலைச்சிட்டு ஆஜர் ஆயிட்டார். விவசாயி தன்னோட நிலத்தில் உளுது முடிச்சுட்டுதான் வரவேன் என்று அடம் பிடிக்க, புலியும் வெட்டியும்தான் அவரை இளுத்து வந்து சங்கத்தில் சேர்த்தார்கள். ஜொல்லு பாண்டியை மட்டும்தான் தொடர்பு கொள்ள முடியலை.

கைப்பூ: அவன் போன் என்னைக்குதான் ஃப்ரீயா இருந்திருக்கு. ஏதாவது பொண்ணுங்களோட போன்ல தொங்கிட்டேதான் இருப்பான். அவனோட டைம் டேபல் பிரகாரம் இன்னைக்கு க்வீன் மேர்ரீஸ்லதான் இருப்பான். தளபதி, ராயல்... போய் அவனை அள்ளிட்டு வாங்க. ம்ம்.. கிளம்புங்கள்..

சரின்னு சொல்லிட்டு ரெண்டு பேரும் கிளம்பிட்டாங்க. அப்போதுதான் விவசாயி ஒரு அறிவுப் பூர்வமா கேள்வி கேட்கிறார்.

விவா: தல, நாம் மொத்தம் 8 பேர்தானே! ஆனால், எதுக்கு 9 டிக்கேட்?

வெட்டி: அது என் சுமாவுக்குதான். அவங்க என் கூட வரணும்ன்னு பிரியப்படுறாங்க.

ஜொல்லு அப்போதான் சங்கத்துல நுழையுறார்..

ஜொல்லு: இல்லை இல்லை.. அது நான் இன்னைக்கு செட்டப் செய்த என் புது காதலிக்கு. .:: மை ஃபிரண்ட் ::.க்கு இந்த விஷயம் ஏற்கனவே தெரிஞ்சிருச்சு போல. அதான் முன் கூட்டியே டிக்கேட் அனுப்பிட்டாங்க.

கைப்பூ: ம்ம்.. இல்லை.. கைப்பொண்ணுக்காகத்தான் இருக்கும்ன்னு நினைக்கிறேன்.

கைப்பூ தீவிர சிந்தனையில் மிதக்க, தேவ் மலேசியாவுக்கு கால் பண்ணி, என்னிடம் விஷயத்தை சொல்கிறார். நான் அந்த போனை லவுட் ஸ்பீகரில் வைக்கச் சொல்லி பதில் சொல்கிறேன்.

.:: மை ஃபிரண்ட் ::. : அட ஞஞ்ஞஞ்ஞஞ்.... அந்த எக்ஸ்ட்ரா டிக்கேட்டு நம்ம அட்லாஸ் வாலிபர் நாட்டாமைக்குதான். அவர் எத்தனை நாள்தான் ஒரே பூரிக்கட்டையில் அடி வாங்குவார்??? ஒரு ச்சேஞ்சுக்கு மலேசியாவில் வேறு ஏதாவதில் வாங்கட்டுமே!! அவரையும் கூப்பிடுங்க சிங்கங்களா!!!

அதன் பிறகு நாட்டாமையும் சங்கத்தில் ஆஜராக..
கைப்பு மீட்டீங்கை ஸ்டார்ட் பண்ணுகிறார்..

கைப்பூ: எல்லாத்தையும் ப்ளான் பண்ணி செய்யனும்..... தளபதி, ட்ரீப் எத்தனை நாளுக்கு?

தளபதி: அஞ்சு பகல் நாலு ராத்திரி.. எல்லாம் ஒன்பது நாள் தல.

விவா: அடங்கொய்யாலே.... ஒரு நாளுல ஒரு பகல் ஒரு இரவு வரும்டா.. அது அஞ்சே நாளு மட்டும்தான்.

தேவ்: ஒரு பகல் + ஒரு இரவு = ஒரு நாளுன்னா, நாலே இரவுதனே இருக்கு! எப்படி அஞ்சு நாலாகும்???

கைப்பூ: ஆகா ஆகா.. நம்ம பசங்க நம்மளை விட ஸ்மார்ட்டா ஆகிட்டு இருக்கானுங்களே... விடு விடு.. எல்லாம் மலேசியாவுல போய் பார்த்துக்கலாம்.. சரி பசங்களா.. பீ ரெடி ஆன் தர்ச்சுடே. வீ வில் ஃப்லை டூ மலேசியா.. ம்ம்.. கிளம்புங்கள்... டேய் ஜொல்லு! இங்கண வாடா!

ஜொல்லு: எண்ணண்ணே?

கைப்பூ: கைப்பொண்ணுதான் என்னை விட்டுட்டு போச்சு! இப்போ நான் ஒரு ரிப்லேஸ்மண்டு தேடனும்.. மலேசியாவுல ஒரு பொண்ணை நான் மடக்கனும். எங் கூடவே இருந்து அப்பப்போ ஐடியாவை எடுத்துக் கொடுக்கனும்.. சரியா? சரியா?

ஜொல்லு: நோ ப்ராப்லம் மச்சி! ஆனால், பொண்ணுங்க கூட்டமா இருக்கிற இடத்துல என்னை தேடக் கூடாது. நான் என் கடமையில ஐக்கியமாகிடுவேன்.
கைப்பூ: அடேய் அடேய்.. அந்த மாதிரி நேரத்துலதாண்டா நீ எங்கூடவே இருக்கனும்..

ஜொல்லு: வேணும்ன்னா போர்வாலை வச்சிக்கோங்க.. அவந்தான் கல்யாணம் பண்ணி செட்டல் ஆயிட்டானே! இல்லைன்னா நாட்டாமையை வச்சிக்கோங்க.. ஆனா, அவரை போல அடி வாங்குற இடத்துல மாட்டிக்காதீங்க.. இல்லைன்னா இருக்கவே இருக்கான் வெட்டி... அவந்தான் வெட்டியா இருக்கான். எனக்கு கடமைகள் அதிகம்..

ஜொல்லு சொல்லிட்டே இருக்கும்போது அவரு அலார்ம் அடிக்க, இப்போ எத்திராஜ் கேட் வாசல்ல நிக்கனும்ன்னு பறந்து போயிட்டார்..

நம்ம கைப்பூ ஸ்மார்ட்டா உடுத்தி, தோப்பா முடிக்கு கூலிங் க்லாஸு போட்டு பைக்குல ஸ்பீடா பறக்குறார்..

தல எங்க போறார்ன்னு கெஸ் பண்ணுங்க... சரியான கெஸ்க்கு ஆயிரம் பொற்காசுகள் சங்கம் வழங்கும். :-)