என்ன பாட்டு இது?

நாம் தினமும் பாடல்கள் கேட்கிறோம்..

அதிலே சில மனதில் அச்சடித்தது போல் மனதிலே பதிவாகிவிடும்;
சில எத்தனை தடவை கேட்டாலும் நினைவில் இருக்காது;
சில திரும்பவும் கேட்கவே கூடாதுன்னு நினைப்போம்;
சில பாடல்களின் வரி நமக்கே எழுதினது போல அனுபவிப்போம்;

இப்படி பல பல காரணங்கள் இருந்தும் நாம் கண்டிப்பா, அதுவும் தமிழ் பாட்டை கேட்போம்.. அதுனாலேதான் இன்னைக்கு இசை சம்பந்தப்பட்ட ஒரு பதிவுடன் வந்திருக்கிறேன்..

இங்கு கீழே நான் 5 பாடல்களின் வரிகளை எழுதியுள்ளேன். இந்த பாடல் வரிகள் எந்த பாடல்/படம் என்று உங்களால் கண்டுபிடிக்க இயலுமா?

பாடல் 1
உன்னை மழை என்பதா?
இல்லை தீ என்பதா?
அந்த ஆகாயம் நிலம் காற்று நீ என்பதா?
உன்னை நான் என்பதா?

பாடல் 2
எனக்கென இருந்தது ஒரு மனசு..
அதை உனக்கென கொடுப்பது சுகம் எனக்கு..

பாடல் 3
சின்ன சின்ன கிண்ணம்..
ஊற்றி வைத்த வண்ணம்..
தூறிகையில் சேர்ந்தால்..
ஓவியங்கள் ஆகும்..

பாடல் 4
ஒவ்வொரு பெண்ணுக்கும் கனவுகள் உண்டு..
கண்டுப்பிடிப்பது ஆண்களின் பொறுப்பு..

பாடல் 5
கடல் வண்ணம் வானின் வண்ணம் கரு வண்ணம்தானே..
கடல் வண்ணம் காணும்போது உனைக் கண்டேன் நானே..

ஐந்தே கேள்விகள்தான்..உங்களுக்கு ஒரு சின்ன க்ளு தருகிறேன்.. இங்கு கொடுக்கப்பட்டுள்ள அனைத்து வரிகளையும் பாடியவர் நம்ம சுஜாதாதான்!!! இந்த க்ளு உங்களுக்கு ரொம்பவே உதவியாய் இருக்கும்ன்னு நம்புகிறேன்..